‎"اُفرشو الاسلام , من مكتبات الزينـة , الى طاولة الأكل , وتناولوهُ في حياتكم اليومية " !!!

-لو قمت مُرشـة\رشادة\خبزة من الطريق وحطيتها علي جنب مش ح َ اتنقص من برستيجك او جلبـآبك أولحيتك شي ..!

- تصدقو في وجوه الناس وابتسموا !!!! مافيش داعي منها التفنيـصة ونظرة الاحتقـآر للآخرين _ والله يعلم من هو فيكم الاحقر_ (حاشا لله)

- لو ساعدت محتاج مانغير ماتشوف لـ شكله ولونه ولبسه واصله ودينه مـآهوش عيب !! 
ب ِ العكس ! 

- استعملو الدين , مافيش داعي يقعد مركون ومدسوس في النقاب والإيزار والتفنيصة والـعداوة وتدمير الغرب وسب اليهود والنصارى ! ( خلاص الحاجات هذو بدو في المتحف وعليهم الغبرة ) 

وانت خاطم في الطريق لقيت قطوسة \كلب ولا طير ,يـآكل\يشرب , اوقف دقيقة ! خليه ياكل وبعدين امشي ..الطريق مش هاربة ...!

مش من حقك اتسكت حد لمجرد ان قال الدين كذا وكذا , اني قريت وعرفت وفكرت وحكمت عقلي, مسؤول علي نفسي وبنحمل وزري يوم الحساب بروحي !!!!! 
!! وتقوله لالالالالالا !! اسسسس !! الشيوخ بس يتكلمو في الحاجات هذه :| 
حتى آيـة قرآنيـة مايسمعهـآش منك وكأنه الدين لـ حضرته ومكتوب بآسم نـآس معينة ! وليس للناس كافة ...

_ مافيش داعي اتكشخ ع العيل الصغير وتضربه وتقوله طوووول "حرام " وبتخش النار لـ مجرد سأل سؤال في امر الدين وكان انت ماعندكش اجابة اسكت وقول مانعرفش ياولدي !!
أو بالعكس افرح لأن عنده عقل ويستعمل فيه ويفكر " خير من هلبا بشر " 
وقوله كويس انك سألتني السؤال هذا وفكرت , واعطيه اجابة , وحُجة او اعطيه كتاب او مطوية . ولامقطع فيديو يتعرف ويقرا بروحه .. ( الوقت البسيط الي حتضيعه في التواصل معاه أو تعليمه ليه اثر كبير في نفسه وحياته وانسانيته وشخصيته لين يكبر) !! 

وبِ المناسبة ! نصـيحة للآبـآء والامهـآت , وحتى لـ مربي القطاطيس !!
ربـآية الخوف ماهيش ربآية .. أول مايتنحى العامل هذا أو تجي فرصة ,حيبـآن كل شي ..وبِ الزايد !! 
والطريقة هذه تدير حاجز ليه أول ماليشي آخر ,

ربـآية الحُب والتفاهم والمبادئ الانسانية , والتقديرات بدل الحواجز هي الي تدوم مع الانسـآن لآخر عمره !!